Ficha biblioteca

Nova O concello de Ourense xa dispón dende finais de xullo de sede electrónica municipal
Avisar de erros Imprimir ficha
Valoración: 0 de 5 (0)
O concello de Ourense xa dispón dende finais de xullo de sede electrónica municipal A finais do mes pasado o Concello de Ourense subiu un chanzo en materia de participación cidadá a través das TIC, e fíxoo coa presentación súa Sede Electrónica.
10/08/2017|Código Cero

A plataforma, desenvolvida pola firma galega Imatia, xa está operativa achegando aos veciños un amplo abano de servizos, boa parte deles co nexo común de facerlles as tramitacións e as comunicacións máis doadas (sen necesidade de desprazamentos). O obxectivo da sede virtual non é outro que “ser a versión do Concello en Internet”. 
Segundo nos lembra Imatia, nela atoparemos seccións públicas e outras que requiren identificación (con DNIe ou con calquera outro dos certificados electrónicos admitidos). Entre as seccións principais atópanse as seguintes: o catálogo de procedementos (con información sobre os servizos ofrecidos polo Concello, divididos por áreas), a consulta de expedientes (para comprobar en que estado se atopan os trámites xa iniciados polo cidadán), o pago en liña de recibos ou a solicitude de documentos oficiais, como os relacionados co padrón de habitantes.
Imatia tamén fai fincapé na posta a disposición pública de todo tipo de normativas municipais, información sobre retribucións económicas a cargos públicos e partidos políticos, e a posibilidade de comunicar reclamacións e incidencias á Administración. Outras funcionalidades incluídas na Sede Electrónica están relacionadas co mundo empresarial, como o perfil do contratante ou a xestión de facturas electrónicas.
Respecto do nivel de operatividade, a plataforma irá incrementando trámites co paso do tempo, centrándose polo de agora nunha parte dos procedementos que por tradición se viñan realizando de maneira presencial. 

 
 
Temas:Administración electrónica
Colectivos:Cidadáns/ás, Entidades locais, Empresas
Organizacións:Ourense / OURENSE
Ámbitos xeográficos:Ourense
Valorar:
Enviar