Ficha biblioteca

Nova A rede CeMIT conectará a preto de 1.600 nenos e nenas de toda Galicia con Papá Noel a través de videoconferencia
Avisar de erros Imprimir ficha
Contido novo Valoración: 0 de 5 (0)
A rede CeMIT conectará a preto de 1.600 nenos e nenas de toda Galicia con Papá Noel a través de videoconferencia Alumnado de entre 3 e 7 anos de 34 concellos das catro provincias participarán nesta actividade entre os días 11 e 21 de decembro
07/12/2017|Amtega

Entre os días 11 e 21 de decembro preto de 1.600 alumnos de educación infantil de 32 concellos de Galicia poderán realizar as súas peticións de Nadal a Papá Noel grazas á rede de videoconferencia das aulas CeMIT, presentes en todas as comarcas galegas.

Os escolares de Educación Infantil de Betanzos, Celanova e Barreiros serán os primeiros que reciban esta visita nas aulas CeMIT destes concellos. Este intercambio de mensaxes comezará o luns 11 de decembro a partir das 11 da mañá, cunha duración de media hora en cada aula.

Por toda Galicia

Nos seguintes días, ata o 21 de decembro inclusive, conectarán con Laponia as aulas CeMIT de Abegondo, Bande, Beariz, Boiro, Burela, A Cañiza, Carballedo, Castro Caldelas, Catoira, Cerceda, Ferrol, Fisterra, A Fonsagrada, Leiro, Marín. Muros, Ourense, Ortigueira, Oroso, Pontedeume, As Pontes, Quiroga, Ribeira, Santa Comba, Sarreaus, Valga, O Vicedo, Vilagarcía, Vimianzo e Xunqueira de Ambía, ata completar así as 32 localidades que recibirán a visita virtual do noso Papá Noel.

Ademais dos alumnos de educación infantil dos diferentes colexios de Galicia, tamén terán a posibilidade de solicitar en directo os seus agasallos a Papá Noel o alumnado do Centro Pai Menni de persoas con discapacidade de Betanzos e as persoas con trastorno do espectro autista da Asociación Bata de Vilagarcía de Arousa

O obxectivo desta actividade, que neste ano cumpre o seu décimo aniversario, é facilitar a comunicación entre Papá Noel e os nenos e nenas destas localidades, que poderán falar e interactuar con el poucos días antes da Noiteboa.

Con este tipo de experiencias, a Rede CeMIT da Xunta de Galicia busca converter estas aulas multimedia en puntos de encontro dos municipios e dar a coñecer todas as posibilidades que ofrece este tipo de espazos de comunicación e a tecnoloxía da que dispoñen.

A Rede CeMIT

A Rede CeMIT (Rede de Centros para a Modernización e a Inclusión Tecnolóxica), está integrada por 98 aulas, presentes en 92 concellos e 53 comarcas co obxectivo de promover o uso das novas tecnoloxías entre a poboación, con especial atención aos colectivos máis afectados pola fenda dixital, fomentar a formación dixital entre os profesionais galegos e mostrar á pemes e micropemes as vantaxes da sociedade da información.

Ademais do Plan de Formación, a Rede CeMIT desenvolve campañas de sensibilización e divulgación da importancia e beneficios das TIC entre a cidadanía, empresas e outros colectivos coa organización de charlas e conferencias. Paralelamente, a maioría dos centros da Rede contan co servizo de “aula aberta”, que posibilita o acceso libre e de balde dos usuarios á utilización do equipamento co apoio e asesoramento dun axente especializado.

A listaxe completa e a localización das aulas CeMIT poden ser consultados en:
http://cemit.xunta.es/centros.

*Xúntase cadro cos horarios de conexión de cada aula

 

LUNS 
11 DECEMBRO

 
10:00
MUROS

EEI de Muros

11:00
CELANOVA

Colexio Curros Enríquez

12:00
BANDE

C.E.I.P. Xoaquín Lourenzo Xocas

 

MARTES 
12 DECEMBRO

 
10:30
BETANZOS

Pai Menni

11:00
CELANOVA

Colexio Sagrado Corazón

11:30
OURENSE

Colexio Franciscanos

12:00
BARREIROS

CEIP San Cosme

 

MéRCORES 
13 DECEMBRO

 
11:00
BETANZOS

E.I. Galiña Azul

11:30
SARREAUS

C.E.I.P. de Sarreaus

12:00
OROSO

CEIP do Camiño Inglés

12:30
OROSO

CEIP do Camiño Inglés

13:00
OROSO

CEIP do Camiño Inglés

 

XOVES 
14 DECEMBRO

 
10:00
VALGA

CRA de Valga

10:30
ARZúA

CPR Nª Sra do Rosario

11:00
PONTES, AS

CEIP A Fraga

11:30
PONTEDEUME

CEIP Pontedeume

12:00
PONTES, AS

CEIP A Fraga

12:30
VALGA

CRA de Valga

 

VENRES
15 DECEMBRO

 
10:00
FERROL

Colexio Belén

10:30
ARZúA

CEIP ARZúA

11:00
SANTA COMBA

CPR Plurilingüe Nª Sra Inmaculada

11:30
VICEDO, O

CEIP O Vicedo

12:00
BOIRO

CEIP Santa Baia

12:30
BOIRO

CEIP Santa Baia

13:00
VICEDO, O

CEIP O Vicedo

 

LUNS 
18 DECEMBRO

 
10:00
BURELA

Virxe do Carme

10:30
ABEGONDO

CEIP San Marcos

11:00
FISTERRA

CEIP Areouta + CEIP Mar de Fóra

11:30
VIMIANZO

CEIP San Vicenzo

12:00
FISTERRA

Nosa Señora do Carme

12:30
VIMIANZO

CEIP San Vicenzo

13:00
CASTRO CALDELAS

CPI Virxe Dos Remedios

 

MARTES 
19 DECEMBRO

 
10:00
BEARíZ

CEIP Beariz

10:30
BARREIROS

CEIP San Miguel

11:00
CATOIRA

CPI Progreso de Catoira

11:30
CAñIZA, A

CPI da Cañiza

12:00
XUNQUEIRA AMBíA

Padre Crespo

12:30
CAñIZA, A

CEIP de Valeixe

13:00
LEIRO

C.E.I.P. Emilia Pardo Bazán

 

MéRCORES 
20 DECEMBRO

 
10:00
ORTIGUEIRA

CEIP José Mª Lage

10:30
CERCEDA

CPI O Cruce

11:00
ORTIGUEIRA

CEIP José Mª Lage

11:30
CERCEDA

CPI O Cruce

12:00
VILAGARCíA

VAGALUME

12:30
QUIROGA

CEIP de Quiroga

13:00
VILAGARCíA

Bata (Asociación de Autismo)

 

XOVES 
21 DECEMBRO

 
10:00
RIBEIRA

CEIP Galaxia

10:30
RIBEIRA

CEIP Galaxia

11:00
CARBALLEDO

Xose Luis Taboada - A Barrela

11:30
MARíN

E.I.I. Seixo / Galiña Azul

12:00
FONSAGRADA, A

CEIP Sa María  / E.I.l Galiña Azul

 

 
Temas:Administración electrónica, Cultura, Lecer
Colectivos:Cidadáns/ás, Entidades locais
Organizacións:Xunta de Galicia, Modernización e Innovación Tecnolóxica (Axencia para a Modernización Tecnolóxica de Galicia)
Ámbitos xeográficos:Galicia
Valorar:
Enviar