Ficha biblioteca

Nova A Xunta inicia a elaboración da Estratexia dixital de Galicia 2030, folla de ruta para afrontar os retos da futura dixitalización na vindeira década
Avisar de erros Imprimir ficha
Valoración: 0 de 5 (0)
Datos contido
Información xeral
Data modificación16/05/2019 FonteAmtega
Taxonomía
TemasAdministración electrónica, Sociedade da información, Tecnoloxía e telecomunicacións Tipo de contidoNovas, Documentos/Publicacións, Proxectos e plans ColectivosAutónomos/as, Cidadáns/ás, Entidades locais, Empresas OrganizaciónsXunta de Galicia, Modernización e Innovación Tecnolóxica (Axencia para a Modernización Tecnolóxica de Galicia) Ámbitos xeográficosGalicia
Imaxe do contido
Descrición O presidente do Goberno galego, Alberto Núñez Feijóo, informou hoxe, durante a rolda de prensa de Consello, da aprobación do inicio do proceso de elaboración da Estratexia dixital de Galicia 2030. Unha folla de ruta para a vindeira década destinada a que a Comunidade estea preparada para afrontar os retos da futura dixitalización e poida beneficiarse das oportunidades que ofrecen as novas tecnoloxías
Detalles contido
A Xunta inicia a elaboración da Estratexia dixital de Galicia 2030, folla de ruta para afrontar os retos da futura dixitalización na vindeira década O presidente do Goberno galego, Alberto Núñez Feijóo, informou hoxe, durante a rolda de prensa de Consello, da aprobación do inicio do proceso de elaboración da Estratexia dixital de Galicia 2030. Unha folla de ruta para a vindeira década destinada a que a Comunidade estea preparada para afrontar os retos da futura dixitalización e poida beneficiarse das oportunidades que ofrecen as novas tecnoloxías
16/05/2019|Amtega

Máis polo miúdo, o titular do Goberno galego explicou que esta nova estratexia pivotará sobre 4 piares que estarán aliñados coas políticas europeas da futura dixitalización.

O primeiro deles, salientou, será a capacitación dixital, xa que o 90% dos empregos requirirán esa cualificación, en segundo termo, engadiu, favorecerase un clima de confianza e transparencia, asegurando que as tecnoloxías emerxentes respecten a privacidade e as normas éticas.

O terceiro dos vectores, indicou, favorecerá a consolidación dun ecosistema dixital forte, e, por último, o cuarto dos piares contemplará a promoción do liderado dixital coa misión de impulsar proxectos demostradores con impacto de transformación nos diferentes sectores económicos.

Nese sentido, abundou, a metodoloxía de elaboración da dita estratexia derivará do Centro Común de Investigacións da UE, polo que haberá tanto paneis de profesionais, como unha comisión permanente de expertos. Ademais, será un proceso participativo no que se terán en conta as achegas das empresas e dos axentes sociais.

Durante a súa intervención, Feijóo tamén lembrou que Galicia leva tempo apostando pola dixitalización. A ese respecto, fixo referencia a Axenda dixital de Galicia 2014 e 2020, coas que se mobilizaron en 10 anos preto de 3.000 M€ entre capital público e privado. Un esforzo, dixo, que se reflicte, por exemplo, nunha administración máis dixital, en 2018 o 50% dos trámites foron telemáticos ou nun ensino no que todas as aulas desde 5º de primaria a bacharelato contan con dotacións mínimas dixitais e preto de 20.000 estudantes utilizan só o libro dixital. 

Temas:Administración electrónica, Sociedade da información, Tecnoloxía e telecomunicacións
Colectivos:Autónomos/as, Cidadáns/ás, Entidades locais, Empresas
Organizacións:Xunta de Galicia, Modernización e Innovación Tecnolóxica (Axencia para a Modernización Tecnolóxica de Galicia)
Ámbitos xeográficos:Galicia
Valorar:
Enviar