Sistema electrónico de facturación (SEF)

Vantaxes de utilizar SEF:

• Permite aos provedores a presentación de facturas electrónicas no enderezo web: www.conselleriadefacenda.es/factura.
• Evita os desprazamentos e a impresión de documentos.
• Axiliza os trámites das facturas e reduce polo tanto os tempos de pago.
• Informa en todo momento ao provedor do estado de tramitación das súas facturas.

A plataforma SEF e un dos servicios que forma parte do Nodo integral de Contratación Publica Electrónica de Galicia xunto coa Plataforma de Contratos de Galicia (PcPG) o Rexistro Xeral de Contratistas (RXC) e o Sistema de Licitación Electrónica (SILEX).

REQUISITOS MINIMOS PARA O ACCESO A SEF

Para poder utilizar a plataforma SEF unha entidade local deberá cumprir cos seguintes requisitos mínimos:

1. Estar adherida ao "Convenio de colaboración entre a Xunta de Galicia e a FEGAMP para o desenvolvemento da Administración Electrónica nas entidades locais da Comunidade Autónoma de Galicia".

2. Para asegurar un funcionamento optimo da plataforma SEF recoméndase que os equipos informáticos desde os que se acceda a SEF preferentemente dispoñan de:

SOLICITUDE DE ACCESO A SEF

Para solicitar unha entidade local o alta no Sistema de Licitación Electrónica (SEF) deberase cumprimentar, asinar dixitalmente polo Alcalde/sa ou Presidente/a e enviar ao Centro de Atención a Usuarios da Xunta (CAU) cau-periferico@xuntal.gal a folla de cálculo “SEF - Formulario de alta usuarios” na que se indican: o datos fiscais da entidade, as unidades de contratación receptoras de facturas e os seus códigos DIR3 asociados, e os usuarios da entidade local que se desexen dar de alta no servizo.

No caso de que se envíe a solicitude en formato pdf asinado dixitalmente, ou como documento asinado manualmente e escaneado é necesario que se envíe tamén a folla de cálculo (formato ods) cumprimentada cos datos dos usuarios.

Os usuarios que se vaian dar de alta en SEF e cuxos datos se recollen na folla de cálculo, deberán ser informados pola entidade local solicitante sobre a información sobre protección de datos que se recolle no documento “SEF – Cláusula informativa RGPD”

Dispón de información máis detallada sobre como cumprimentar a folla de calculo formulario de alta de usuarios e de cómo solicitar o alta no documento “SEF – Procedemento alta de usuarios”.

Todos estes documentos relacionados coa solicitude de alta no servizo tamén están dispoñibles no apartado “Contido relacionado” desta mesma páxina.

Unha vez tramitada pola Xunta a alta en SEF da entidade local comunicarase, a conta de correo de cada usuario (conta de correo indicada no formulario, folla de cálculo, da solicitude), ás instruccións para acceder ao Sistema Electrónico de Facturación (SEF) .

CONTACTO PARA DÚBIDAS OU INCIDENCIAS CO SERVIZO SEF

Para calquera dúbida técnica sobre a xestión da súa alta ou incidencia co servizo SEF, poderase poñer en contacto con CAU a través do Tlfno 881 995 300 ou no correo electrónico cau-periferico@xunta.gal.

Para calquera outro tipo de dúbidas non técnicas ou información relacionada coas xornadas de formación sobre este servizo poderá contactar coa Oficina eConcello a través do Tlfno. 981 957 595 ou do correo electrónico: oficina.econcellos@xunta.gal.