Ficha biblioteca

Noticia A Deputación de Coruña destina máis de un millón de euros á contratación de técnicos deportivos en 77 concellos da provincia
Avisar de errores Imprimir ficha
Contenido nuevo Valoración: 0 de 5 (0)
Datos contenido
Información general
Fecha modificación22/05/2020 FuenteDeputación da Coruña
Taxonomía
TemasAdministración local, Deporte Tipo de contenidoNoticias ColectivosCiudadanos/as, Entidades locales OrganizacionesDiputación de A Coruña Ámbitos geográficosA Coruña
Descripción Ademais de xerar emprego, o programa facilita que os municipios coruñeses poidan desenvolver programacións deportivas de carácter estable e fomentar o deporte e a actividade física entre a poboación
Detalles contenido
A Deputación de Coruña destina máis de un millón de euros á contratación de técnicos deportivos en 77 concellos da provincia Ademais de xerar emprego, o programa facilita que os municipios coruñeses poidan desenvolver programacións deportivas de carácter estable e fomentar o deporte e a actividade física entre a poboación
22/05/2020|Deputación da Coruña

O Boletín Oficial da Provincia publicou onte a concesión definitiva das subvencións que concede anualmente a Deputación da Coruña para a contratación de persoal técnico deportivo nos concellos da provincia. Este ano, 77 concellos contratarán ou manterán no seu cadro de persoal a técnicos deportivos municipais grazas ao apoio económico da Deputación, que achega un total de 1.008.966,33 euros para financiar este programa.

A deputada responsable da área de Deportes, Cristina Capelán, afirmou que "ademais de contribuír á xeración de emprego na provincia, permitindo a contratación de 77 persoas durante un período dun ano, facilitan tamén que os municipios coruñeses poidan desenvolver programacións deportivas de carácter estable e fomentar a actividade física entre a poboación".

"Ademais das funcións habituais de promoción do deporte, este persoal técnico será moi útil para adaptar as instalacións e as actividades á evolución da COVID-19, aplicando e supervisando as pautas de actuación que indiquen as autoridades no seu momento para garantir a seguridade nas instalacións deportivas", afirmou a deputada.

A Deputación financia ata o 80% dos custes salariais (soldo e Seguridade Social) do persoal técnico deportivo contratado durante un ano, cunha achega máxima de 15.000 euros para aqueles municipios que optan pola contratación dun graduado universitario en Ciencias da Actividade Física e o Deporte que traballe a xornada completa. Os concellos poden contratar tamén técnicos superiores en Animación de Actividades Físicas e Deportivas e facelo a xornada completa ou media xornada, aboando sempre o 20% restante do salario.

Máis información

Temas:Administración local, Deporte
Colectivos:Ciudadanos/as, Entidades locales
Organizaciones:Diputación de A Coruña
Ámbitos geográficos:A Coruña
Valorar:
Compartir contenido