Ficha biblioteca

Resolución pola que se aproba a adxudicación aos concellos da provincia dos espectáculos correspondentes ao programa REDE CULTURAL 2026

Logo da finalización do prazo establecido, e unha vez revisadas todas as solicitudes presentadas polos concellos, proponse a aprobación de forma íntegra da Solicitude Xeral de programación dos concellos axustada aos límites establecidos na base 5.3. e existe remanente para repartir entre os concellos que fixeron Solicitude Complementaria, atendendo ao establecido no punto 5.3.A. das citadas bases.

Resolveuse :

•  1.- Adxudicar aos concellos seguintes os espectáculos que se sinalan de seguido  no ANEXO
  • TOTAL CONCELLO: 8.457,00
  • IMPORTE TOTAL A ABOAR POLA DEPUTACIóN: 1.571.167,01€

A totalidade das solicitudes referidas nesta resolución foron presentadas dentro do prazo establecido na convocatoria e cumpren os requisitos establecidos nela, atendendo ás declaracións e documentación solicitada.

Os importes que figuran na presente proposta son as porcentaxes que lle corresponde aboar á Deputación en relación cos cachés sinalados polas entidades titulares dos artistas e que figuran na resolución da presidencia número 8996, do 6 de marzo de 2026, (modificada pola resolución 10158, do 11 de marzo de 2026), pola que se aproba a admisión dos espectáculos inscritos na Rede Cultural da Deputación da Coruña do ano 2026, por reunir os requisitos establecidos.

• 2.- Imputar o gasto sinalado á partida 0612/3343/22609, documento contable RC número 220260011134, por un importe de 1.571.167,01 €
• 3.- Publicar a presente resolución no Boletín Oficial da Provincia (BOP), co que se entenderá notificada aos interesados, de acordo co establecido no artigo 45 da Lei 39/2015, de 1 de outubro, do procedemento administrativo común das administracións públicas. Esta resolución tamén se publicará na páxina web da Deputación da Coruña.