Ficha guía local

Bandera

Pano de verde e azul dividido en vertical por un filete de branco; o pano de verde da hasta cunha roda de afiador e paraugueiro, e no de azul da batente con nove mitras de amarelo cargadas de cadansúa cruz enarborada de vermello. A roda de afiador e paraugueiro representa a profesión itinerante de afiador, cuxa fama e valía se estendeu desde este municipio por toda Galicia; a cor verde indica a riqueza forestal, onde destaca o castiñeiro e o pintoresco contorno paisaxístico e ambiental; e as nove mitras son as armas heráldicas do mosteiro de Santo Estevo de Ribas de Sil e aluden aos nove santos bispos que se refuxiaron nel.

Escudo

En campo de sinople unha roda de afiador e paraugueiro de ouro, sobre ondas de prata e azur; bordo de azur cargado de nove mitras de ouro cargadas dunha cruz enarborada de gules. Ao timbre coroa real pechada. A cor de sinople indica a riqueza forestal, onde destaca o castiñeiro e o pintoresco contorno paisaxístico e medioambiental; a roda de afiador e paraugueiro representa a profesión itinerante de afiador, cuxa fama e valía se estendeu dende este municipio por toda Galicia; as ondas de prata e azur simbolizan os ríos Miño e Sil; e, as nove mitras son as armas heráldicas do mosteiro de Santo Estevo de Ribas de Sil e aluden aos nove santos bispos que se refuxiaron nel.