Ficha guía local

Bandera

Sobre o pano azul, a lamprea de amarelo e no cantón alto, ó batente, un acio de uvas, tamén de amarelo. Véxanse os motivos que inspiran a bandeira deste Municipio no texto explicativo correspondente ás súas armerías

Escudo

De azur (azul), e sobre ondas de prata (prata) e azur, unha ponte de prata, cun só ollo, sumada de dúas chaves do mesmo, postas en aspa e franqueadas de dous acios de uvas de ouro (amarelo); bordura de ouro, con dúas lampreas da súa cor. Ó timbre, coroa real pechada Nos emblemas e selos que ata hoxe utilizou este Concello xustifícase plenamente a presencia das figuras que se incorporan a súas armas: as chaves postas en aspa, en alusión á capela de San Pedro, berce da actual municipalidade; os acios de uvas, que recordan o viño de Albariño que aquí se produce e que goza de indubidable fama xa desde os séculos medievais; e as lampreas, importantes para a vida e a propia economía deste municipio desde tempos remotos, sendo ademais moi celebrada na actualidade. A tales representacións engádese, como motivo central, a ponte romana de San Xoán, onde os veciños deste Municipio frearon heroicamente –o 11 de febreiro de 1809– o paso ós franceses que comandaba o mariscal Soult.