Ficha guía local

Bandera

Pano con tres franxas horizontais de branco, verde e branco, sendo a verde do dobre de tamaño con trece círculos de amarelo postos, un no centro e doce nos vértices de dous imaxinarios hexágonos concéntricos. As franxas brancas, pola súa vez, con sendas franxas horizontais de azul. O verde fai referencia ó ámbito rural do municipio, as outras franxas horizontais aluden ós ríos Úmia e Lérez e, os círculos á flor do toxo, ás trece parroquias e, a súa colocación en forma de hexágono a tradición apicultora para a obtención de cera.

Escudo

En campo de azur, unha montaña de ouro de tres cumes, terrasada de sinople con dúas faixas ondadas de prata; superada de dúas espigas de centeo de ouro en aspa e unha roca alta de prata no centro, acompañadas dun fuso alto a cada lado; bordura de sinople cargada de trece abellas de ouro; ao timbre, coroa real pechada. As espigas de centeo fan referencia á tradición deste cultivo; a roca e os fusos lembran a importancia histórica das fiandeiras no municipio, por cuxa actividade parece haber tomado o seu nome; a montaña de tres cumes fai referencia á cabeceira da comarca de Terra de Montes; as dúas ondas de prata aluden ós ríos Umia e Lérez; e, as abellas simbolizan as trece parroquias, a flor do toxo e a tradición apicultora no municipio para a obtención de cera.