Ficha guía local

Bandera

De azul, o castelo de branco, todo orlado dun xaquelado de dúas ordes de amarelo e vermello.

Escudo

De azur (azul), o castelo de prata (branco); bordura axadrezada de ouro (amarelo) e gules (vermello). Ó timbre, a coroa real pechada. Este emblema municipal organízase cunha dobre representación: a primeira, de carácter monumental, inclúe a gran fortaleza medieval, unha das máis célebres de Galicia, que foi secular testemuña e fundamental referente do vivir cotián da municipalidade; a segunda, de carácter especificamente histórico, é a alusión á gran liñaxe que o levantou e exerceu o seu dominio ata tempos relativamente recentes, dominando ademais moitas das terras que hoxe conforman a provincia de Pontevedra. Ó primeiro, naturalmente, fáiselle referencia por medio dun castelo heráldico; ó segundo, pola súa parte, a través dunha bordura axadrezada, simple abreviación, aínda que suficientemente ilustrativa, do axadrezado con faixas —ou das convencionais faixas axadrezadas— que os daquela grande estirpe histórica pintaron nos seus escudos.