Ficha biblioteca

Nova Aberto prazo de convocatoria do Musiqueando da Deputación, no que poden participar grupos, bandas e corais lucenses
Avisar de erros Imprimir ficha
Valoración: 0 de 5 (0)
Datos contido
Información xeral
Data modificación11/02/2019 FonteDeputación de Lugo
Taxonomía
TemasAdministración local, Cultura, Industrias culturais, Música Tipo de contidoNovas, Axudas e subvencións ColectivosCidadáns/ás, Entidades locais, Empresas OrganizaciónsDeputación de Lugo Ámbitos xeográficosLugo
Imaxe do contido
Descrición Os grupos de música, Concellos, asociacións ou comisións que queiran participar poden solicitalo ata o 1 de marzo. Na www.deputacionlugo.gal haberá un espazo habilitado con toda a información e documentación a presentar
Detalles contido
Aberto prazo de convocatoria do Musiqueando da Deputación, no que poden participar grupos, bandas e corais lucenses Os grupos de música, Concellos, asociacións ou comisións que queiran participar poden solicitalo ata o 1 de marzo. Na www.deputacionlugo.gal haberá un espazo habilitado con toda a información e documentación a presentar
11/02/2019|Deputación de Lugo

O Goberno da Deputación publicou as bases da convocatoria para participar no Musiqueando, o programa dotado con 170.000 euros, co que o Executivo Provincial promociona a música popular na provincia. O Musiqueando está dirixido a Concellos, asociacións ou comisións de festas, que queiran participar neste programa a través de actuacións de bandas de música, grupos corais e grupos de música tradicional, que teñan residencia na provincia de Lugo e que estean legalmente constituídas. As actuacións musicais que se celebraranse entre o 1 de abril ata o 20 de novembro 2019. Os beneficiarios poderán solicitar unha actuación por anualidade.

A Deputada de Cultura, Pilar García Porto avanzou que “na pasada edición deste certame realizáronse 215 actuacións musicais por toda a provincia, nas que participaron 18 bandas, 29 corais e 65 grupos de música tradicional galega en 60 Concellos lucenses. Polo tanto estamos diante dunha programación, xa consolidada no panorama cultural, que contribúe a fomentar e a expandir a nosa cultura e as nosas tradicións”, resumiu.

Os grupos de música, Concellos, asociacións ou comisións que queiran participar no Musiqueando poden solicitalo ata o 1 de marzo. Na www.deputacionlugo.gal haberá habilitado un espazo con toda a documentación a presentar no Rexistro Xeral da Deputación ou ben en calquera das dependencias administrativas recollidas no artigo 38.4 da Lei 30/1992.

O Goberno da Deputación asumirá o 80% dos custos de cada actuación e o 20% restante, será achegado polos Concellos, asociacións ou comisións, que soliciten ditas actuacións.

Obrigas e compromisos
Os Concellos e entidades que soliciten as actuacións deberán cumprir con diferentes medidas, como organizar as actuacións velando polo seu correcto desenvolvemento, non facer ningunha modificación na actuación sen a autorización da Deputación, ou empregar o galego nos carteis anunciadores e en toda a propaganda que se faga do evento.

Pola súa parte, as bandas e grupos musicais deberán facer actuacións cun máximo de duración de hora e media, podendo levarse a cabo nun único pase ou pola contra en dous pases de 45 minutos cada un, e non poderán facer ningunha modificación na actuación sen o permiso da Deputación.

Temas:Administración local, Cultura, Industrias culturais, Música
Colectivos:Cidadáns/ás, Entidades locais, Empresas
Organizacións:Deputación de Lugo
Ámbitos xeográficos:Lugo
Valorar:
Enviar