Ficha biblioteca

(0)

Datos contido

Información xeral

Data modificación04/02/2026 FonteDOG

Taxonomía

TemasAdministración pública, Administración local, Ensino e formación Tipo de contidoEventos, Cursos ColectivosEntidades locais, Empregados/as públicos/as OrganizaciónsXunta de Galicia, Organizacións e Institucións Ámbitos xeográficosGalicia

Descrición Publicada hoxe no DOG a Resolución de convocatoria de actividades formativas para o persoal empregado público das entidades locais e do sector público autonómico de Galicia

Detalles contido

A EGAP convoca 8 cursos da área de comunicación, organización do traballo e mellora das habilidades, para o persoal empregado público das entidades locais e do sector público autonómico de Galicia Publicada hoxe no DOG a Resolución de convocatoria de actividades formativas para o persoal empregado público das entidades locais e do sector público autonómico de Galicia

Escoitar

04/02/2026|DOG

RESOLUCIóN do 27 de xaneiro de 2026 pola que se convocan actividades formativas para o persoal empregado público das entidades locais e do sector público autonómico de Galicia.

Requisitos do persoal participante

Poderán participar nas accións formativas convocadas nesta resolución os/as empregados/as públicos/as das entidades locais e da Administración xeral da Comunidade Autónoma de Galicia, das entidades públicas instrumentais enunciadas na alínea a) do artigo 45 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia e da Administración institucional do sector público autonómico de Galicia, que se encontren en situación de servizo activo (incluído o persoal que teña concedido un permiso por motivos de conciliación da vida persoal, familiar e laboral) e que reúnan os requisitos establecidos nesta convocatoria e para cada un dos casos no anexo II.
Sen prexuízo do anterior, poderán ofertarse actividades formativas ao persoal empregado público pertencente a outras administracións, entidades, organismos e institucións públicas da Comunidade Autónoma, cando así se estableza na epígrafe «persoal destinatario» da actividade formativa.
Ao tratarse de actividades impartidas na modalidade de teleformación, as persoas interesadas deberán dispor dun equipamento informático que cumpra os seguintes requisitos técnicos:

– Un ordenador con conexión á internet.

– Un navegador web actualizado.

Desenvolvemento das actividades de formación

As actividades formativas realizaranse cos requirimentos, a duración e as condicións que para estas actividades se indiquen na convocatoria. A información relativa ao desenvolvemento das actividades, así como as súas posibles modificacións, será actualizada e ampliada na páxina web .

Solicitudes e prazos

O prazo de presentación de solicitudes será desde o día seguinte ao da publicación desta resolución no Diario Oficial de Galicia ata o día 11 de febreiro, incluído.
As solicitudes de participación nas actividades formativas só poderán realizarse mediante o formulario de matrícula telemática dispoñible no enderezo desde as 9.00 horas da data de inicio do prazo de presentación de solicitudes e ata as 14.00 horas da data de finalización. As solicitudes entenderanse presentadas unha vez que se complete correctamente o proceso de matriculación.
Serán excluídas automaticamente aquelas solicitudes que non se axusten ao formulario de solicitude, non teñan cubertos correctamente os datos precisos para a realización do proceso de selección ou sexan presentadas fóra de prazo.
As persoas que oculten ou falseen datos esenciais para a selección serán automaticamente excluídas das actividades solicitadas e pasarán ao final das listas de todas as actividades formativas que soliciten e cuxo prazo de matrícula comece dentro do ano seguinte contado desde que se detecte o feito.
As persoas que necesiten acreditar circunstancias específicas (discapacidade ou permisos de conciliación da vida persoal, familiar e laboral) de acordo cos criterios de selección poderán remitirlle á EGAP a correspondente documentación complementaria, xunto cunha copia do formulario da matrícula, ou ao enderezo de correo electrónico , sen prexuízo do previsto no artigo 16.4 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro). A devandita documentación deberá enviarse por unha única das vías indicadas; no caso contrario, só serán considerados os datos achegados por correo electrónico. A documentación deberá presentarse dentro do prazo sinalado no número 1 desta base.
A EGAP adoptará as medidas necesarias para facilitar a presentación das solicitudes. As dúbidas, as dificultades técnicas e as peticións de información complementaria serán atendidas a través dos números de teléfono 981 54 62 57, 981 54 63 35, 981 54 62 53 e 981 54 62 54 e do enderezo de correo electrónico , en horario de atención ao público (das 9.00 ás 14.00 horas).

ANEXO

Código	Denominación	Persoal destinatario	Prazas	Horas	Modalidade	Data de inicio	Data de remate	Data e hora do exame final en liña
Comunicación, organización do traballo e mellora das habilidades
CV26003	A función consultiva do Consello Consultivo de Galicia	Empregados/as públicos/as das entidades locais de Galicia, da Administración pública autonómica de Galicia, da Administración institucional galega, das entidades públicas instrumentais do artigo 45.a) da Lofaxga, así como persoal técnico, de xestión e de administración e servizos (PTXAS) das universidades do Sistema universitario de Galicia (UDC, USC e Uvigo). Preferentemente: empregados públicos dos subgrupos A1 e A2 e equivalentes, así como habilitados nacionais.	50	33	Teleformación	15.4.2026	18.5.2026	21.5.2026 17.00
CV26004	A intervención do Consello Consultivo de Galicia na contratación pública	Empregados/as públicos/as das entidades locais de Galicia, da Administración pública autonómica de Galicia, da Administración institucional galega e das entidades públicas instrumentais do artigo 45.a) da Lofaxga, e persoal técnico, de xestión e de administración e servizos (PTXAS) das universidades do Sistema universitario de Galicia (UDC, USC e Uvigo) dos subgrupos A1 e A2 e equivalentes, así como habilitados nacionais.	50	30	Teleformación	9.3.2026	13.4.2026	16.4.2026 17.00
CV26005	A responsabilidade patrimonial por razóns de carácter urbanístico. Os supostos indemnizatorios	Habilitados nacionais e empregados públicos da Administración local galega, dos subgrupos A1 e A2 e equivalentes.	50	24	Teleformación	18.5.2026	11.6.2026	16.6.2026 17.00
CV26006	A revisión en vía administrativa de títulos habilitantes de natureza urbanística	Empregados/as públicos/as das entidades locais de Galicia, da Administración pública autonómica de Galicia, da Administración institucional galega e das entidades públicas instrumentais do artigo 45.a) da Lofaxga Preferentemente: empregados públicos dos subgrupos A1 e A2 e equivalentes, así como habilitados nacionais.	50	24	Teleformación	9.4.2026	3.5.2026	7.5.2026 17.00
CV26007	Curso práctico sobre responsabilidade patrimonial das entidades locais	Empregados/as públicos/as das entidades locais de Galicia, da Administración pública autonómica de Galicia, da Administración institucional galega, das entidades públicas instrumentais do artigo 45.a) da Lofaxga. Preferentemente: empregados públicos dos subgrupos A1 e A2 e equivalentes, así como habilitados nacionais.	50	30	Teleformación	11.3.2026	15.4.2026	20.4.2026 17.00
CV26008	Elaboración de disposicións administrativas de carácter xeral	Empregados/as públicos/as das entidades locais de Galicia, da Administración pública autonómica galega e das entidades públicas instrumentais do artigo 45.a) da Lofaxga. Preferentemente: empregados públicos dos subgrupos A1 e A2 e equivalentes, así como habilitados nacionais.	50	21	Teleformación	1.6.2026	22.6.2026	26.6.2026 17.00
CV26009	O procedemento de responsabilidade patrimonial: irregularidades, defectos e cuestións prácticas	Empregados/as públicos/as das entidades locais de Galicia, da Administración pública autonómica galega e das entidades públicas instrumentais do artigo 45.a) da Lofaxga, e persoal técnico, de xestión e de administración e servizos (PTXAS) das universidades do Sistema universitario de Galicia (UDC, USC e Uvigo). Preferentemente: empregados públicos dos subgrupos A1 e A2 e equivalentes, así como habilitados nacionais.	50	24	Teleformación	4.5.2026	28.5.2026	3.6.2026 16.30
CV26010	Os recursos administrativos na Lei 39/2015, do 1 de outubro, do procedemento administrativo común das administracións públicas	Empregados/as públicos/as das entidades locais de Galicia, da Administración pública autonómica galega e das entidades públicas instrumentais do artigo 45.a) da Lofaxga, e persoal técnico, de xestión e de administración e servizos (PTXAS) das universidades do Sistema universitario de Galicia (UDC, USC e Uvigo). Preferentemente: empregados públicos dos subgrupos A1 e A2 e equivalentes, así como habilitados nacionais.	50	21	Teleformación	21.4.2026	12.5.2026	18.5.2026 17.00

Temas:Administración pública, Administración local, Ensino e formación

Colectivos:Entidades locais, Empregados/as públicos/as

Organizacións:Xunta de Galicia, Organizacións e Institucións

Ámbitos xeográficos:Galicia

Valorar:

Compartir contido