Obxecto e destinatarios.
O obxecto desta resolución é convocar actividades formativas descentralizadas para o primeiro semestre de 2026 segundo a modalidade e características descritas no anexo
A información publicada no anexo pode ampliarse na ficha descritiva de cada acción formativa, á que se poderá acceder a través da dirección http://buscadorcursos.inap.es/. Nela detállanse os obxectivos de aprendizaxe, contidos, horario, lugar de celebración, así como outra información de interese.
Poderán participar nas actividades formativas relacionadas no anexo, preferentemente as empregadas e os empregados públicos ao servizo da Administración local. Os requisitos específicos de participación en cada acción formativa detállanse no anexo.
Presentación de solicitudes.
Quen desexe participar nalgunha das actividades formativas relacionadas no anexo, deberá cumprimentar e presentar a correspondente solicitude electrónica, tras a selección do curso correspondente, na ligazón https://buscadorcursos.inap.es, ou no apartado de Formación Local da páxina web do INAP na ligazón http://www.inap.es/formacion-en-administracion-local.
O interesado debe contar coa autorización do superior xerárquico desde o momento no que realiza a inscrición. O envío da solicitude telemática debidamente cumprimentada supón a aceptación expresa das normas e procedementos que rexen o curso.
Pódense presentar solicitudes a dúas actividades formativas incluídas no anexo. A participación nestas actividades computará para o límite máximo que o INAP prevé para cada persoa de tres actividades formativas anuais, o límite ao que se refire o apartado III Criterios de selección da Estratexia de Aprendizaxe do INAP 2025-2028.
O prazo de presentación de solicitudes será de dez días hábiles, contando a partir do día seguinte ao da publicación desta resolución no «Boletín Oficial do Estado».
En caso de incidencias na realización da solicitude electrónica, poden poñerse en contacto co Centro de Atención ao Usuario (CAU):
- – Correo electrónico: cau@inap.es.
- – Teléfono de contacto: 91 061 68 92.
- – Horario de atención de luns a venres de 8:00 a 20:00 horas.
Cursos en Galicia
- Fiscalización de actos e expedientes nas entidades locales medianas e pequenas. Deputación Provincial de Ourense.
- Implantación da intelixencia artificial nas Administraciones públicas. Deputación Provincial de Pontevedra
