Ficha biblioteca

Curso de técnicas de escritura e estilo para a elaboración e redacción de documentos administrativos en lingua galega

• Participantes: 50
• Horas: 30
• Datas realización: Do 21 de setembro ao 9 de outubro de 2026

OBXECTIVOS:

Obxectivos xerais

• Aumentar a presenza do galego nas administracións públicas, tanto nas relacións internas coma nas relacións coa cidadanía.
• Optimizar os recursos para contribuír á normalización lingüística.
• Actualizar e formar o persoal para que incremente a competencia técnica nesta lingua.
• Achegarlles a lingua aos distintos sectores da Admón. e asentar a variedade estándar da lingua.
• Dar a coñecer os recursos materiais e en formato electrónico que existen na lingua galega para que sexan utilizados polo persoal da Administración.
• Capacitar o persoal para usar na actividade profesional, tanto no plano oral coma no escrito, esta lingua con fluidez e corrección.
• Orientar o persoal para que busque asesoramento e resolva as dúbidas que lle xurdan no desenvolvemento do traballo.

Obxectivos específicos

• Darlle a coñecer ao persoal das distintas administracións públicas os trazos caracterizadores da linguaxe administrativa tradicional. 
• Amosarlle ao persoal da Administración as propostas modernizadoras para mellorar a comunicación administrativa, tanto na redacción dos documentos coma na información á cidadanía.
• Proporcionar información sobre os aspectos en que se debe basear a redacción.
• Formar o colectivo nos contidos ortotipográficos (conxunto de normas e convencións que rexen a correcta aplicación da tipografía), morfosintácticos, léxico-semánticos e de formato na comunicación administrativa.
• Reflexionar sobre as propostas que buscan a simplificación e a eficacia no estilo administrativo.

PROGRAMA:

• Claves para a redacción
• O léxico administrativo
• Os castelanismos
• A lingua e as súas estruturas
• O verbo
• Modernizar a escrita xurídico-administrativa
• Signos gráficos e puntuación
• As abreviacións
• Maiúsculas e minúsculas
• Recursos tipográficos
• Linguaxe non sexista