Acceso á Rede SARA e aos seus servizos

Cales son os servizos alcanzables a través da Rede SARA?

A rede SARA permite que as administracións compartan entre elas todos os servizos que consideren necesarios. Ademais existen unha serie de servizos comúns básicos que facilitan o despregamento da oferta de administración electrónica aos que as diferentes administracións poden acceder:

• Verificación dos datos de identidade e residencia.
• Plataforma de validación de firma electrónica.
• Solicitude de cambio de domicilio.
• Notificación electrónica fehaciente.
• Pasarela de pagamento.
• Rexistro electrónico común.
• Consultas do estado de expedientes.
• Catálogos de procedementos das AAPP.
• Videoconferencia.
• Voz IP.
• Centro de Transferencia de Tecnoloxía.
• Servizos de nova creación.

 
Acceso ao catálogo de servizos proporcionados a través de SARA:

1.Se non dispón de acceso á rede SARA
2.Se xa dispón de acceso á rede SARA

REQUISITOS MÍNIMOS DE ACCESO

Unha entidade local galega para dispoñer de acceso a Rede SARA e aos seus servizos deberá cumprir os seguintes requisitos ou trámites:

1. Estar integrada na Rede Corporativa da Xunta de Galicia (RCXG).

2. Asinar o acordo coa Xunta para acceder ás solucións tecnolóxicas básicas de eAdministración contidas no convenio entre a Administración Xeral do Estado (MINHAP) e a Xunta de Galicia para a prestación mutua de solucións básicas de administración electrónica a través da funcionalidade de Sala de sinatura virtual existente no portal Eidolocal.

3. Solicitar o acceso a SARA e aos seus servizos, a través da Rede corporativa da Xunta de Galicia (RCXG), cumprimentando e asinando o formulario correspondente.

Servizo de DNS na Rede SARA

Para solicitar o alta/baixa/modificación no servizo de DNS na rede Sara dos nomes e IPs asignados aos servidores utilizados por unha entidade local para a integración ou utilización de servizos disponibles en SARA adoptando uns nomes baixo o dominio de DNS que ten publicado a Xunta na rede SARA: *.sara.xunta.es deberase enviar a cau-periferico@xunta.gal o formulario: “Solicitude servizo DNS” cumplimentado e asinado dixitalmente.

Certificado de servidor SSL *.sara.xunta.es

Para solicitar á Xunta un certificado de servidor de validación de organización (monodominio – SSL ou multidominio – SSL SAN) que dependa do dominio: *.sara.xunta.es a nome do concello ou a renovación dun certificado, deberase autorizar á Xunta a súa tramitación cunha Autoridade de Certificación (CA) polo que, para a solicitude ou renovación, se debe utilizar o documento de “Autorización solicitude certificado de servidor seguro de validación de organización (monodominio – SSL ou multidominio – SSL SAN)”. No correo dirixido ao CAU (cau-periferico@xunta.gal) no que solicite o/s certificado/s de servidor deberán achegar:

1) A autorización de solicitude de certificado de servidor seguro (Monodominio ou Multidominio segundo proceda). A URL a especificar na autorización deberá ter o seguinte formato: *.nomeconcello.sara.xunta.es. É importante que na autorización se indiquen exactamente os dominios que debe cubrir o certificado. Deberá indicarse a URL principal (e secundarias se é multidominio).

2) Decreto de nomeamento da persona que asina a autorización.

3) Arquivo CSR.

3) Datos de contacto da persoa da entidade que actuará de interlocutora coa Xunta para todas as xestións co certificado (nome, apelidos, conta de correo e teléfono).