Melloras realizadas en EidoLocal

Eidolocal.gal pretende consolidar o portal das entidades locais de Galicia como o espazo de referencia para o acceso á información e servizos dirixidos ao ámbito local e concíbese como un instrumento de cohesión das propias Administracións Locais, e unha ferramenta indispensable como integrador das relacións entre a Xunta de Galicia e as EELL, achegando os seus servizos á cidadanía.

As melloras realizadas en Eidolocal oriéntanse en facelo:

+ SINXELO

Faise unha aposta clara en favor do usuario apostando pola usabilidade e accesibilidade. Redeséñase o portal e restrutúranse os contidos facendo mais doada a localización dos mesmos e mellorado a experiencia de navegación.

+ PERSOAL

Créase un novo espazo "Meu Eido", que pretende ser un escritorio que centralice a actividade exercida por un usuario dentro do portal EidoLocal, agrupando os accesos directos a contidos e servizos do portal de uso habitual, ofrecéndolle a posibilidade de configuración do mesmo e poñendo a súa disposición, entre outras cousas, un taboleiro de avisos que facilitará as comunicacións ao usuario relacionadas co portal e cos seus servizos.

+ VERSÁTIL

Mellórase o servizo de "Envíos Xunta" (antigo envíos DXAL) e se dótaselle de dúas funcionalidades diferenciadas:

• "Buzón de sinatura", concibido como unha ferramenta "portasinaturas" que proporciona a funcionalidade necesaria para poder asinar documentos de xeito telemático e seguro. O usuario poderá xestionar todos aqueles documentos que fose necesario asinar, e/ou todos aqueles documentos susceptibles de ser incluídos nun proceso de envío a través do servizo de "Envíos Xunta" de EidoLocal.
• "Buzón saída-Envíos Xunta", concibido como un buzón de entidade ao que accederán os usuarios dunha entidade local con permiso para a realización de envíos de documentación á Xunta, permitíndolles a xestión completa dun envío incluíndo a posibilidade de subsanación.

+ GLOBAL

Amplíanse e mellóranse servizos e seccións:

• Créase un novo servizo para os Funcionarios con Habilitación Nacional que recompila de xeito ordenado a información sobre os concursos e procesos selectivos de funcionarios de Administración local con habilitación de carácter nacional convocados anualmente e permite a xestión en liña da provisión de postos
• Renóvase o Catálogo de "Servizos" no que se recompila a información máis relevante de cada un dos servizos de administración electrónica ofrecidos, a través de EidoLocal, pola Xunta de Galicia ás entidades locais galegas.
• Créase unha nova sección de "Iniciativas" que pretende converterse nun instrumento de comunicación, divulgación e promoción das diferentes iniciativas impulsadas pola Xunta de Galicia de cara ás administracións locais.
• Créase dun novo espazo de ofertas de emprego que permite ao usuario acceder as ofertas de emprego público convocadas polas Entidades Locais.

Para posibilitar a realización de todas estas melloras efectuouse unha modernización da infraestrutura tecnolóxica e unha optimización funcional do portal.

Ligazóns ás diferentes guías

Para calquera dúbida