Habilitación nacional

O artigo 241 da Lei 5/97 de Administración Local de Galicia  atribúe de xeito expreso á Comunidade Autónoma de Galicia as competencias de execución, dentro do marco da lexislación básica do Estado (constituída pola disposición adicional 2ª da Lei 7/2007) sobre clasificación de postos, nomeamentos provisionais, comisión de servizos, acumulacións e permutas, dentro do seu ámbito territorial.

Así pois e segundo o establecido no Decreto 72/2013, do 25 de abril, polo que establece a estrutura orgánica da Vicepresidencia e da Consellería de Presidencia, Administracións Públicas e Xustiza son competencias da Dirección xeral de Administración Local, en concreto do seu Servizo de Réxime Xurídico e Xestión de Funcionarios con Habilitación de Carácter Estatal as seguintes:

1. O asesoramento en materia de función pública local e a revisión dos procesos de selección de persoal das entidades locais.

2. A distribución do papel numerado para actas e resolucións das entidades locais.

3. A elaboración da proposta da oferta de emprego público correspondente a funcionarios/as con habilitación de carácter estatal.

4. A elaboración das convocatorias e o desenvolvemento dos procesos selectivos de funcionarios/as con habilitación de carácter estatal segundo os títulos e programas mínimos aprobados polo Ministerio de Política Territorial e coa colaboración da Escola Galega de Administración Pública.

5. A tramitación da provisión de postos con carácter non definitivo e o exercicio das competencias que lle corresponden á Comunidade Autónoma respecto dos concursos de traslados e libre designación de habilitados/as estatais.

6. A tramitación dos expedientes de creación, clasificación e supresión de postos reservados a funcionarios/as con habilitación estatal, así como os de constitución e disolución de agrupacións de entidades locais para o sostemento dos ditos postos e os das exencións regulamentariamente establecidas.

7. A dirección e xestión do rexistro autonómico de funcionarios/as con habilitación estatal e a coordinación e integración co rexistro estatal dos ditos funcionarios.

8. A elaboración de informes sobre os recursos que se presenten en materia de funcionarios/as con habilitación de carácter estatal.

9. Aqueloutras que, dentro do seu ámbito, lle sexan asignadas.